Author: News Admin

കല്ലമ്പലം: നാവായിക്കുളം ഗ്രാമപഞ്ചായത്തിലെ പതിനാലാം വാർഡിൽ വെള്ളൂർക്കോണത്ത് പഴയ കശുവണ്ടി ഫാക്ടറിയിൽ പ്രവർത്തിക്കുന്ന പ്ലാസ്റ്റിക് മാലിന്യ സംസ്കരണ കേന്ദ്രത്തിനെതിരെയാണ് പ്രദേശവാസികളുടെ പ്രതിഷേധം ശക്തമാകുന്നത്. സ്ഥാപനത്തിൽനിന്നുള്ള വിഷപ്പുകയും ദുർഗന്ധവും ജനജീവിതത്തെ ബാധിക്കുന്നതായാണ് നാട്ടുകാരുടെ പരാതി. അതേസമയം, പ്രദേശവാസികൾക്ക് ബുദ്ധിമുട്ടുണ്ടാകുന്ന സാഹചര്യം പരിഹരിച്ച് പ്രവർത്തനം തുടരാനാണ് മാനേജ്മെന്റിന്റെ നിലപാട്. അഡ്വ.നന്ദുരാജ്, നൗഷാദ്, അമ്പാടി,അബുതാഹിർ, അഡ്വ. അർച്ചന എസ്. എന്നിവരാണ് വെള്ളൂർക്കോണത്ത് പ്രവർത്തിക്കുന്ന പ്ലാസ്റ്റിക് മാലിന്യ സംസ്കരണ കേന്ദ്രത്തിന്റെ നടത്തിപ്പുകാർ. ഹരിതകർമസേന വീടുകളിൽനിന്ന് ശേഖരിക്കുന്ന പ്ലാസ്റ്റിക് മാലിന്യങ്ങൾ സ്ഥാപനത്തിലെത്തിച്ച് തരംതിരിക്കുകയും ഹൈഡ്രോളിക് കംപ്രസർ ഉപയോഗിച്ച് ബെയിലിംഗ് നടത്തി കെട്ടുകളാക്കി മാറ്റുകയുമാണ് ഇവിടെ ചെയ്യുന്നതെന്ന് മാനേജ്മെന്റ് വ്യക്തമാക്കി. ഇത്തരത്തിൽ ബെയിലിങ് നടത്തുന്ന പ്ലാസ്റ്റിക് മാലിന്യങ്ങൾ അംഗീകൃത ഏജൻസികൾക്ക് കൈമാറി പുനഃചംക്രമണത്തിനായി അയയ്ക്കുകയാണ് പതിവെന്നും സ്ഥാപനത്തിൽ പ്ലാസ്റ്റിക് പൊടിക്കുകയോ ഉയർന്ന താപനിലയിൽ ഉരുക്കുകയോ ചെയ്യുന്നില്ലെന്നും നടത്തിപ്പുകാർ വിശദീകരിച്ചു. പ്ലാസ്റ്റിക് പുനഃചംക്രമണം നടത്തുമ്പോഴാണ് പുകയും ദുർഗന്ധവും ഉണ്ടാകുന്നതെന്ന വാദമുയർത്തിയ മാനേജ്മെന്റ്, സ്ഥാപനത്തിൽ അത്തരം പ്രവർത്തനങ്ങൾ നടക്കുന്നില്ലെന്നും വ്യക്തമാക്കി. സ്ഥാപനത്തിന്റെ പ്രവർത്തനങ്ങൾ…

കല്ലമ്പലം : കല്ലമ്പലത്ത് പ്രണയാഭ്യർത്ഥന നിരസിച്ചതിന്റെ പേരിൽ യുവതിയെ നിരന്തരം ശല്യം ചെയ്യുകയും ആശുപത്രിയിൽവെച്ച് കടന്നുപിടിച്ച് ഭീഷണിപ്പെടുത്തുകയും ചെയ്തെന്ന പരാതിയിൽ യുവാവ് അറസ്റ്റിൽ. യുവതിയും സഹോദരിയും വീട്ടിലെത്തിയതിനു പിന്നാലെ വെട്ടുകത്തിയുമായി വീട്ടിൽ അതിക്രമിച്ചുകയറി വധഭീഷണി മുഴക്കിയെന്നും പരാതിയുണ്ട്. കല്ലമ്പലം മണമ്പൂർ സ്വദേശി കണ്ണൻ എന്നുവിളിക്കുന്ന സുജിത്തിനെയാണ് കല്ലമ്പലം പോലീസ് അറസ്റ്റ് ചെയ്തത്. ഇക്കഴിഞ്ഞ 20ന് ഉച്ചയ്ക്ക് 12.30നായിരുന്നു സംഭവം. ചികിത്സയ്ക്കായി മണമ്പൂർ ഗവൺമെന്റ് ആശുപത്രിയിലെത്തിയ യുവതിയെ പ്രതി കൈയിൽ കടന്നുപിടിക്കുകയും കൂടെ ചെല്ലാൻ ആവശ്യപ്പെടുകയും ചെയ്തതായി യുവതി പോലീസിന് നൽകിയ പരാതിയിൽ പറയുന്നു. പ്രതിയുടെ ആവശ്യം നിരസിച്ചതോടെ യുവതിയെയും ഒപ്പമുണ്ടായിരുന്ന സഹോദരിയെയും പ്രതി അസഭ്യം പറഞ്ഞു. തുടർന്ന് യുവതിയെ കടന്നുപിടിച്ച് സ്വന്തം ശരീരത്തോട് ചേർത്തുനിർത്തി ഭീഷണിപ്പെടുത്തിയതായും പരാതിയിലുണ്ട്. നിരവധി ആളുകൾ നോക്കിനിൽക്കെയായിരുന്നു പരസ്യമായുള്ള ഈ അതിക്രമമെന്നും യുവതി മൊഴി നൽകിയിട്ടുണ്ട്. പ്രതി ഏറെ നാളായി തന്നോട് പ്രണയാഭ്യർത്ഥന നടത്തിവരികയായിരുന്നുവെന്നും ഇത് നിരസിച്ചതിനെത്തുടർന്ന് നിരന്തരം പിന്തുടർന്ന് ശല്യം ചെയ്തുവരികയായിരുന്നുവെന്നും യുവതി പോലീസിനോട് വെളിപ്പെടുത്തി.…

വർക്കല: കിസാക് വർക്കലയുടെ ആഭിമുഖ്യത്തിൽ ഒക്ടോബർ 28ന് വൈകിട്ട് അഞ്ചിന് വർക്കല മുനിസിപ്പൽ പാർക്കിൽ വയലാർ അനുസ്മരണവും ഗാനാലാപനവും സംഘടിപ്പിക്കും. വേൾഡ് പ്രസ് ഇൻസ്റ്റിറ്റ്യൂട്ട് പെർമനന്റ് ഫെലോ കെ.പി. മോഹനൻ സമ്മേളനം ഉദ്ഘാടനം ചെയ്യും. കിസാക് പ്രസിഡന്റ് ഷോണി ജി. ചിറവിള അധ്യക്ഷത വഹിക്കും. ആലപ്പുഴ എസ്.ഡി. കോളേജ് പ്രൊഫസർ ഡോ. സജിത്ത് ഏവൂരേത്ത് ‘പാട്ടുവഴിയോരം’ എന്ന വിഷയത്തിൽ വയലാർ അനുസ്മരണ പ്രഭാഷണം നടത്തും. ശരണ്യ സുരേഷ്, സി. പ്രസന്നകുമാർ, കെ. സുരേന്ദ്രൻ എന്നിവർ സംസാരിക്കും. മുതിർന്ന വ്യാപാരികളായ എം. നവാസ്, വർക്കല സബേശൻ, എം. ഷാഹുൽ ഹമീദ് എന്നിവരെ ചടങ്ങിൽ ആദരിക്കും. തുടർന്ന് വയലാറിന്റെ കവിതകളും ഗാനങ്ങളും അവതരിപ്പിക്കും. കിസാക് സെക്രട്ടറി എസ്. ബാബുജി സ്വാഗതവും ട്രഷറർ അനിൽ വർക്കല നന്ദിയും പറയും.

അഞ്ചുതെങ്ങ്: ഗ്രാമപഞ്ചായത്ത് പരിധിയിലെ കുടിവെള്ളക്ഷാമം പരിഹരിക്കുന്നതിനായി മീരാൻകടവ് മുതൽ അഞ്ചുതെങ്ങ് ജംഗ്ഷൻ വരെയുള്ള കുടിവെള്ള പൈപ്പിങ് പ്രവർത്തികൾ പുരോഗമിക്കുന്നു. ഗ്രാമപഞ്ചായത്ത് ഓഫീസ് കോമ്പൗണ്ടിലെ അഞ്ച് ലക്ഷം ലിറ്റർ സംഭരണശേഷിയുള്ള ടാങ്കിലേക്ക് വെള്ളമെത്തിക്കുന്നതിനായി നടത്തുന്ന 450 മീറ്റർ ദൂരത്തെ പ്രധാന പൈപ്പിങ് പ്രവർത്തികൾ 90 ശതമാനത്തോളം പൂർത്തിയായി. 300 എംഎം വ്യാസമുള്ള ഡക്റ്റൈൽ അയൺ പൈപ്പുകൾ 1.4 മീറ്റർ താഴ്ചയിൽ സ്ഥാപിക്കുന്ന ജോലികൾക്കുശേഷം നിലവിൽ പ്രഷർ ടെസ്റ്റ് നടന്നുവരികയാണ്. പ്രധാന പൈപ്പിനൊപ്പം വീടുകളിലേക്കുള്ള ജലവിതരണത്തിനായി റോഡിന്റെ ഇരുവശങ്ങളിലും 160 എംഎം പിവിസി പൈപ്പുകൾ സ്ഥാപിക്കുന്ന പ്രവർത്തികളും ആരംഭിച്ചിട്ടുണ്ട്. പരിശോധനകൾ പൂർത്തിയാക്കിയശേഷം പൈപ്പുകൾ പ്രധാന ലൈനുമായി ബന്ധിപ്പിച്ച് ഗാർഹിക കണക്ഷനുകൾ ഒരുക്കുന്നതോടെ ഈ ഭാഗത്തെ പ്രവർത്തികൾ പൂർത്തിയാകും. അതേസമയം, അഞ്ചുതെങ്ങ് ജംഗ്ഷൻ മുതൽ പഞ്ചായത്ത് ഓഫീസ് പരിസരത്തെ ടാങ്ക് വരെയുള്ള ഭാഗത്തും പൈപ്പിങ് നടത്തേണ്ടതുണ്ട്. ഈ ഭാഗത്തെ പ്രവർത്തികൾക്കായി പൊതുമരാമത്ത് വകുപ്പിന്റെ അനുമതി ലഭിച്ചിട്ടില്ലെന്നാണ് സൂചന. ശേഷിക്കുന്ന പ്രവർത്തികൾക്കും അനുമതി ലഭ്യമാക്കി പദ്ധതി വേഗത്തിൽ…

ചിറയിൻകീഴ്: ചിറയിൻകീഴ് ഗ്രാമപഞ്ചായത്തിലെ 12-ാം വാർഡിൽ ഉൾപ്പെടുന്ന പെരുമാതുറയിലെ പൊതുമരാമത്ത് വകുപ്പ് (PWD) റോഡിൽ രൂപപ്പെട്ട കുഴിയും വെള്ളക്കെട്ടും യാത്രക്കാർക്ക് ദുരിതമാകുന്നു. റോഡിലെ കുഴി നികത്തി ഗതാഗതം സുഗമമാക്കാൻ ബന്ധപ്പെട്ട അധികൃതരുടെ അടിയന്തര ഇടപെടൽ വേണമെന്ന ആവശ്യം ശക്തമാകുന്നു. ഇതേ സ്ഥലത്ത് ബദാംമരം പ്രധാന വൈദ്യുതി ലൈനിലേക്ക് ചാഞ്ഞുനിൽക്കുന്നതും ആശങ്ക ഉയർത്തുന്നുണ്ട്. പെരുമാതുറയിലെ റോഡിൽ കാണപ്പെടുന്ന കുഴിയിൽ വെള്ളം കെട്ടിക്കിടക്കുന്നത് റോഡിന്റെ ശോച്യാവസ്ഥ കൂടുതൽ ഗുരുതരമാക്കുകയാണ്. വെള്ളം നിറഞ്ഞുനിൽക്കുന്നതിനാൽ കുഴിയുടെ ആഴവും വലുപ്പവും വ്യക്തമായി തിരിച്ചറിയാൻ കഴിയാത്ത സാഹചര്യമുണ്ടാകാം. ഇത് ഇരുചക്രവാഹനങ്ങൾ ഉൾപ്പെടെയുള്ള വാഹനങ്ങളുടെ യാത്രയ്ക്ക് ബുദ്ധിമുട്ടും അപകടസാധ്യതയും സൃഷ്ടിക്കുന്നു. റോഡിലൂടെ സഞ്ചരിക്കുന്നവർ കുഴി ശ്രദ്ധയിൽപ്പെടാതെ പോകുന്നത് വാഹനങ്ങളുടെ നിയന്ത്രണം നഷ്ടപ്പെടുന്നതിനും അപകടങ്ങൾ സംഭവിക്കുന്നതിനും കാരണമായേക്കാം.പ്രദേശവാസികൾക്കും ഇതുവഴി സ്ഥിരമായി യാത്ര ചെയ്യുന്നവർക്കും റോഡിന്റെ ഈ അവസ്ഥ പ്രയാസം സൃഷ്ടിക്കുന്നതാണ്. റോഡിലെ കുഴികൾ യഥാസമയം നികത്തി യാത്ര സുരക്ഷിതമാക്കേണ്ടത് ബന്ധപ്പെട്ട വകുപ്പുകളുടെ ഉത്തരവാദിത്വമാണ്. ചെറിയ അറ്റകുറ്റപ്പണികളിലൂടെ പരിഹരിക്കാവുന്ന പ്രശ്നങ്ങൾ നീണ്ടുപോകുന്നത് പിന്നീട് വലിയ…

ചിറയിൻകീഴ്: ചിറയിൻകീഴിൽ 808 ഗ്രാം എംഡിഎംഎ പിടികൂടിയ കേസിലെ പ്രധാന പ്രതിയെ പോലീസ് അറസ്റ്റ് ചെയ്തു. കഠിനംകുളം മുണ്ടഞ്ചിറ മണക്കാട്ടിൽ വീട്ടിൽ നിസാർ (47) ആണ് പിടിയിലായത്. പെരുമാതുറ സ്വദേശിയായ മുഹമ്മദ് ഷാഫിയെ കഴിഞ്ഞ ദിവസം 808 ഗ്രാം എംഡിഎംഎയുമായി തിരുവനന്തപുരം റൂറൽ ഡാൻസാഫ് സംഘം അറസ്റ്റ് ചെയ്തിരുന്നു. ഈ കേസിലെ പ്രധാന പ്രതിയാണ് നിസാറെന്ന് പോലീസ് അറിയിച്ചു. ഷാഫിയുടെ സഹോദരീഭർത്താവായ നിസാർ വിദേശത്തുനിന്ന് എംഡിഎംഎ എത്തിച്ച് വിൽപ്പനയ്ക്കായി ഷാഫിക്ക് കൈമാറിയിരുന്നതായാണ് അന്വേഷണ സംഘത്തിന്റെ കണ്ടെത്തൽ. വിസിറ്റ് വിസയിൽ ഒമാനിലേക്ക് പോയ നിസാർ നെടുമ്പാശ്ശേരി വിമാനത്താവളം വഴിയാണ് നാട്ടിൽ തിരിച്ചെത്തിയത്. ഇയാളുടെ യാത്രാരേഖകൾ പരിശോധിച്ചതിൽ സെപ്റ്റംബർ 11-ന് ഒമാനിൽനിന്ന് നാട്ടിലെത്തിയതായി അന്വേഷണ സംഘത്തിന് വ്യക്തമായി. എംഡിഎംഎയുമായി ഷാഫി പിടിയിലായതോടെ നിസാർ ഒളിവിൽ പോവുകയായിരുന്നു. ഇയാളെ കണ്ടെത്തുന്നതിനായി ജില്ലാ പോലീസ് മേധാവി ബി.കെ. പ്രശാന്തൻ കാണി ഐപിഎസിന്റെ നേതൃത്വത്തിൽ പ്രത്യേക അന്വേഷണസംഘം രൂപീകരിച്ചിരുന്നു. തുടർന്ന് നടത്തിയ അന്വേഷണത്തിനൊടുവിൽ ഇന്നലെ രാത്രി വൈകി പെരുമാതുറയിലെ…

അഞ്ചുതെങ്ങ്: കായിക്കര കടവിന് സമീപം 65കാരിയുടെ മൃതദേഹം കണ്ടെത്തി. അഞ്ചുതെങ്ങ് കോട്ടമുക്ക് പുതുവൽപുരയിടത്തിൽ (കടയ്ക്കാവൂർ വടതാഴി) ഡെയ്സിയുടെ മൃതദേഹമാണ് കണ്ടെത്തിയത്. ചൊവ്വാഴ്ച രാവിലെ 11 മണിയോടെ കായിക്കര കടവിന് സമീപം ചീലാന്തിയിൽ കുടുങ്ങിയ നിലയിൽ പ്രദേശവാസികളാണ് മൃതദേഹം കണ്ടെത്തിയത്. കഴിഞ്ഞ ഞായറാഴ്ച മുതൽ ഡെയ്സിയെ കാണാനില്ലായിരുന്നു. ഇതുസംബന്ധിച്ച് ബന്ധുക്കൾ ഇന്ന് രാവിലെ പോലീസിൽ പരാതി നൽകിയതിന് പിന്നാലെയാണ് മൃതദേഹം കണ്ടെത്തിയത്. വിവരമറിഞ്ഞ് സ്ഥലത്തെത്തിയ അഞ്ചുതെങ്ങ് പോലീസ്, വർക്കല ഫയർഫോഴ്സിന്റെ സഹായത്തോടെ മൃതദേഹം കരയ്ക്കെത്തിച്ചു. തുടർനടപടികൾക്ക് ശേഷം പോസ്റ്റ്‌മോർട്ടത്തിനായി മൃതദേഹം തിരുവനന്തപുരം മെഡിക്കൽ കോളേജ് ആശുപത്രിയിലേക്ക് കൊണ്ടുപോയി.

കടയ്ക്കാവൂർ: നിരവധി ക്രിമിനൽ കേസുകളിൽ പ്രതിയായ യുവാവിനെ വെട്ടേറ്റു മരിച്ച നിലയിൽ കണ്ടെത്തി. കടയ്ക്കാവൂർ പേരാണം കല്ലുകടവ് ഐക്കര കാർത്തിക ഭവനിൽ കടകംപള്ളി ബിജു എന്നറിയപ്പെടുന്ന ബിജുകുമാർ (41) ആണ് കൊല്ലപ്പെട്ടത്.ആലംകോട് പാലാംകോണം ഭാസ്കർ കോളനിക്ക് സമീപം കരിമ്പാലച്ചിറയിലെ വയലിലാണ് ചൊവ്വാഴ്ച രാവിലെ മൃതദേഹം കണ്ടെത്തിയത്. ബിജുകുമാറിന്റെ തലയ്ക്കു പിന്നിൽ കഴുത്തിൻ്റെ ഭാഗത്ത് വെട്ടേറ്റ ആഴത്തിലുള്ള മുറിവുണ്ടെന്നും, കയ്യിലും ശരീരത്തിൻ്റെ വിവിധ ഭാഗങ്ങളിൽ മർദ്ദനമേറ്റ അടയാളങ്ങൾ കണ്ടെത്തിയതായി പോലീസ് അറിയിച്ചു.വിവിധ പോലീസ് സ്റ്റേഷനുകളിലായി 11ഓളം കേസുകളിൽ പ്രതിയായ ഇയാൾ കടയ്ക്കാവൂർ പോലീസ് സ്റ്റേഷൻ പരിധിയിൽ 2023ൽ നടന്ന കൊലപാതകക്കേസിലും പ്രതിയായിരുന്നു. വയലിൽ മൃതദേഹം കിടക്കുന്നതായി വിവരം ലഭിച്ചതിനെത്തുടർന്ന് കടയ്ക്കാവൂർ പോലീസ് സ്ഥലത്തെത്തി നടത്തിയ പരിശോധനയിലാണ് മരിച്ചത് ബിജുകുമാറാണെന്ന് തിരിച്ചറിഞ്ഞത്.കൊലപാതകവുമായി ബന്ധപ്പെട്ട് കടയ്ക്കാവൂർ സ്വദേശികളായ മഹി, മക്കു എന്നുവിളിക്കുന്ന മുകേഷ് എന്നിവരെ കേന്ദ്രീകരിച്ച് പോലീസ് അന്വേഷണം ഊർജിതമാക്കി. ഇരുവരും ഒളിവിലാണെന്നാണ് വിവരം. മഹിയുടെ പിതാവിനെ 2023ൽ കൊലപ്പെടുത്തിയ കേസിൽ ബിജുകുമാർ പ്രതിയായിരുന്നുവെന്നാണ് പോലീസ്…

വെട്ടൂർ: ഗ്രാമപഞ്ചായത്തിലെ കുടിവെള്ള പ്രശ്നം പരിഹരിക്കുന്നതിന്റെ ഭാഗമായി പൈപ്പ് ലൈൻ സ്ഥാപിക്കുന്നതിനുള്ള നടപടികൾക്ക് അനുമതി നൽകാൻ പഞ്ചായത്ത് ഭരണസമിതി തീരുമാനിച്ചു. പ്രവൃത്തി പൂർത്തിയാക്കിയശേഷം മൂന്ന് മാസത്തിനകം റോഡ് പൂർവസ്ഥിതിയിലാക്കി ഗതാഗതയോഗ്യമാക്കണമെന്ന വ്യവസ്ഥയോടെയാണ് അനുമതി. കാട്ടുവിള(കൊച്ചുവിള) മുതൽ അപ്പുപ്പൻനട വരെയുള്ള പഴയ 40 എം.എം. പിവിസി പൈപ്പ് ലൈൻ മാറ്റി പുതിയ 110 എം.എം., 90 എം.എം. പൈപ്പുകൾ സ്ഥാപിക്കാനാണ് പദ്ധതി. ആശാൻമുക്ക് റോഡിലും പഴയ പൈപ്പ് ലൈൻ മാറ്റി പുതിയ 90 എം.എം. പിവിസി പൈപ്പ് സ്ഥാപിക്കുന്ന പ്രവൃത്തികൾ നടത്തും. പൈപ്പ് ലൈൻ സ്ഥാപിക്കുന്നതിനായി റോഡ് കുഴിക്കുന്നതിന് അനുമതി തേടി കേരള വാട്ടർ അതോറിറ്റി അസിസ്റ്റന്റ് എൻജിനീയർ നൽകിയ കത്ത് പഞ്ചായത്ത് യോഗം പരിഗണിച്ചു. സെപ്റ്റംബർ 30-ന് ചേർന്ന പഞ്ചായത്ത് ഭരണസമിതിയുടെ 36(1) നമ്പർ തീരുമാനപ്രകാരം, പ്രവൃത്തിക്കായി കുഴിക്കുന്ന റോഡ് മൂന്ന് മാസത്തിനകം പുനഃസ്ഥാപിച്ച് ഗതാഗതയോഗ്യമാക്കണമെന്ന വ്യവസ്ഥയിൽ അനുമതി നൽകാനാണ് തീരുമാനിച്ചത്. ഇക്കാര്യം ഒക്ടോബർ 17-ന് കേരള വാട്ടർ അതോറിറ്റി അസിസ്റ്റന്റ്…

ശിവഗിരി: നവരാത്രി മഹോത്സവത്തിന്റെ ഒൻപതാം ദിനമായ ഇന്ന് ചൊവ്വാഴ്ച ശിവഗിരിയിൽ ഗുരുദേവകൃതി പാരായണം, സംഗീതസദസ്സ്, നൃത്തപരിപാടികൾ, ഭക്തിഗാനസുധ തുടങ്ങി വിവിധ പരിപാടികൾ നടക്കും. രാവിലെ എട്ടിന് ദീപം തെളിക്കലും തുടർന്ന് ഷാജിമോൻ ഒളശ്ശയുടെ നേതൃത്വത്തിൽ ഗുരുദേവകൃതി പാരായണവും നടക്കും. ഒൻപതിന് പഠനക്ലാസും 9.30ന് കുമരകം ശ്രീകുമാരമംഗലം ദേവസ്വം വനിതാസംഘത്തിന്റെ ഗുരുദേവകൃതി ആലാപനവും അരങ്ങേറും. 10.30ന് അമിത പി. അജത്തിന്റെ മോഹിനിയാട്ടവും അഭിജിത ജെ. രാജ് തഴവയുടെ കേരളനടനവും നടക്കും. 10.55ന് സ്നേഹ, ധ്യാൻ, ദക്ഷിണ അഭിലാഷ്, ദിഷ നിഷാദ് തിരുവനന്തപുരം എന്നിവർ ഗുരുദേവകൃതി പാരായണം നടത്തും. 11.20ന് രമ ഭാനു ദാസ് ചേർത്തലയുടെയും ലളിത സുഗുണന്റെയും ഗുരുദേവകൃതി ആലാപനമുണ്ടാകും. 11.25ന് പന്നിമറ്റം എസ്.എൻ.ഡി.പി. ശാഖ 28 ബി. ശിവദം കലാസമിതിയുടെ തിരുവാതിരയും 11.40ന് അഭിരാം അഞ്ചലിന്റെ ദൈവദശകവും അരങ്ങേറും. 11.45ന് ഷാർജി സുരേഷ് ബാബു പാളയംകുന്നിന്റെ സെമി ക്ലാസിക്കൽ നൃത്തവും ഉച്ചയ്ക്ക് 12ന് തിരുവാതിരയും സുൽത്താൻ ബത്തേരി മാതൃസഭയുടെ ഗുരുദേവകൃതി ആലാപനവും…