Author: News Admin

വർക്കല: പ്രായപൂർത്തിയാകാത്ത പെൺകുട്ടിയെ വിവാഹവാഗ്ദാനം നൽകി ലൈംഗികമായി ഉപദ്രവിച്ച കേസിൽ 18കാരൻ അറസ്റ്റിൽ. വിവാഹവാഗ്ദാനം നൽകി പ്രണയം നടിച്ച് 17 വയസ്സുകാരിയെ കൂട്ടിക്കൊണ്ടുപോയി ലൈംഗികമായി ഉപദ്രവിച്ചെന്ന പരാതിയിൽ യുവാവിനെതിരെ പോലീസ് നടപടി.പാളയംകുന്ന് വണ്ടിപ്പുര സ്വദേശിയായ ചരുവിള വീട്ടിൽ മഹേഷ് (18) ആണ് വർക്കല പോലീസിന്റെ പിടിയിലായത് 2026 ഒക്ടോബർ 5-ന് രാവിലെ 11 മണിയോടെ പെൺകുട്ടിയെ വിവാഹം കഴിക്കാമെന്ന് വാഗ്ദാനം ചെയ്ത് സ്നേഹം നടിച്ച് പ്രതി കൂട്ടിക്കൊണ്ടുപോയെന്നാണ് പരാതി. തുടർന്ന് ഇടവ കാപ്പിൽ ബീച്ചിലെ ആളൊഴിഞ്ഞ സ്ഥലത്തുവെച്ച് വിവാഹവാഗ്ദാനം നൽകി ലൈംഗികമായി ഉപദ്രവിച്ചെന്നാണ് കേസ്. പെൺകുട്ടിയെ കാണാതായതിനെ തുടർന്ന് രക്ഷിതാക്കൾ പോലീസിൽ പരാതി നൽകി. തുടർന്ന് നടത്തിയ അന്വേഷണത്തിൽ വൈകുന്നേരത്തോടെ പെൺകുട്ടിയെ കാപ്പിൽ ബീച്ചിൽനിന്ന് കണ്ടെത്തി. പിന്നീട് വീട്ടിലെത്തിയ പെൺകുട്ടിയെ രക്ഷിതാക്കൾ ശകാരിച്ചതിനെ തുടർന്ന് വീട്ടിൽനിന്നിറങ്ങി യുവാവിന്റെ വീട്ടിലെത്തുകയായിരുന്നു. യുവാവിന്റെ വീട്ടുകാർ പെൺകുട്ടിയെ സ്വന്തം വീട്ടിലെത്തിച്ച് രക്ഷിതാക്കളെ ഏൽപ്പിച്ചു.തുടർന്നാണ് പീഢനത്തിൻ്റെ കൂടുതൽ വിവരങ്ങൾ മനസ്സിലാക്കിയ രക്ഷിതാക്കൾ പോലീസിൽ പരാതി നൽകിയത്. രക്ഷിതാക്കളുടെ…

വർക്കല: പുനർവിവാഹം കഴിഞ്ഞ് പത്താം ദിവസം യുവതിയെ വീട്ടിൽ തുങ്ങി മരിച്ച നിലയിൽ കണ്ടെത്തി. വർക്കല തച്ചോട് പൈപ്പിൻമൂട് തണലിൽ ഷാജി–ജയ ദമ്പതികളുടെ മകൾ ജിഷ (30) ആണ് മരിച്ചത്. വെള്ളിയാഴ്ച രാവിലെ 11 മണിയോടെയായിരുന്നു സംഭവം.ഒക്ടോബർ മാസം 20-നാണ് ജിഷയുടെ രണ്ടാം വിവാഹം ഗുരുവായൂരിൽ നടന്നത്. ആദ്യ ഭർത്താവ് വിദേശത്തുവെച്ചുണ്ടായ അപകടത്തിൽ മരിച്ചതിനെത്തുടർന്ന് രണ്ട് പെൺമക്കളുമായി കഴിയുകയായിരുന്ന ജിഷ, വർക്കല സ്വദേശിയായ അജിയെയാണ് രണ്ടാമത് വിവാഹം കഴിച്ചത്. അജിയുടെ ആദ്യ വിവാഹമായിരുന്നു ഇത്. ജിഷ ആറ്റിങ്ങലിലെ സ്വകാര്യ സ്ഥാപനത്തിൽ ബ്യൂട്ടീഷൻ കോഴ്സ് പഠിച്ചു കൊണ്ടിരിക്കുകയായിരുന്നു. വിവാഹശേഷം ആദ്യ ഭർത്താവിന്റെ പേരിലുള്ള വീട്ടിൽ അജിക്കൊപ്പം താമസിച്ചുവരികയായിരുന്നു. സംഭവസമയത്ത് ജിഷയുടെ രണ്ട് പെൺമക്കളും രണ്ടാം ഭർത്താവായ അജിയും വീട്ടിലുണ്ടായിരുന്നു. ജിഷയെ വീട്ടിൽ അവശനിലയിൽ കണ്ടെത്തിയതിനെ തുടർന്ന് സമീപവാസികൾ വാർഡ് മെമ്പറെ വിവരമറിയിക്കുകയായിരുന്നു. തുടർന്ന് സ്ഥലത്തെത്തിയ വാർഡ് മെമ്പറുടെ നേതൃത്വത്തിൽ ജിഷയെ വർക്കല താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിച്ചതായി ഡോക്ടർമാർ സ്ഥിരീകരിച്ചു. അയിരൂർ…

വർക്കല: 15 വയസ്സുകാരിയെ ബലാത്സംഗം ചെയ്ത കേസിൽ പ്രതിക്ക് 95 വർഷം കഠിനതടവും 2,75,000 രൂപ പിഴയും ശിക്ഷ വിധിച്ചു. അയിരൂർ ഇലകമൺ തേവാനം നിഷാ സദനം വീട്ടിൽ മനോജ് (50) നെയാണ് വർക്കല അതിവേഗ പോക്സോ കോടതി ജഡ്ജി സിനി എസ്.ആർ. ശിക്ഷിച്ചത്. 2021-ൽ അയിരൂർ പോലീസ് സ്റ്റേഷൻ പരിധിയിലാണ് കേസിനാസ്പദമായ സംഭവം നടന്നത്. പ്രതിയുടെ മകളുടെ കൂട്ടുകാരിയായ 15 വയസ്സുകാരിയെയാണ് ഇയാൾ പീഡിപ്പിച്ചത്. അന്നത്തെ അയിരൂർ എസ്.ഐ. സുനിൽകുമാറാണ് കേസ് രജിസ്റ്റർ ചെയ്തത്. തുടർന്ന് അയിരൂർ പോലീസ് ഇൻസ്പെക്ടറായിരുന്ന ശ്രീജേഷ് വി.കെ. അന്വേഷണം നടത്തി കുറ്റപത്രം സമർപ്പിച്ചു. പോക്സോ നിയമത്തിലെ ആറാം വകുപ്പ് പ്രകാരം 50 വർഷം കഠിനതടവും ഒരു ലക്ഷം രൂപ പിഴയും, ഐ.പി.സി. 376(3) വകുപ്പ് പ്രകാരം 30 വർഷം കഠിനതടവും ഒരു ലക്ഷം രൂപ പിഴയും കോടതി വിധിച്ചു. ഐ.പി.സി. 506(ii) വകുപ്പ് പ്രകാരം അഞ്ചുവർഷം കഠിനതടവും 25,000 രൂപ പിഴയും, പോക്സോ നിയമത്തിലെ…

ആറ്റിങ്ങൽ: അഖിലേന്ത്യാ ട്രേഡ് ടെസ്റ്റ് (AITT) 2026-ൽ ദേശീയ, സംസ്ഥാന തലങ്ങളിൽ മികച്ച വിജയം നേടി ആറ്റിങ്ങൽ ഗവൺമെന്റ് ഐ.ടി.ഐയിലെ ട്രെയിനികൾ. വിജയികളെ അനുമോദിക്കുന്നതിനും സർട്ടിഫിക്കറ്റുകൾ വിതരണം ചെയ്യുന്നതിനുമായി ഐ.ടി.ഐയിൽ കോൺവക്കേഷൻ സെറിമണി സംഘടിപ്പിച്ചു. ഒക്ടോബർ 30-ന് വെള്ളിയാഴ്ച രാവിലെ 9 മണിക്ക് നടന്ന ചടങ്ങ് ആറ്റിങ്ങൽ എം.എൽ.എ ഒ.എസ്. അംബിക ഉദ്ഘാടനം ചെയ്തു. ദേശീയതലത്തിൽ ഒൻപത് ട്രെയിനികളും സംസ്ഥാനതലത്തിൽ ആറ് ട്രെയിനികളുമാണ് ഉന്നത വിജയം കരസ്ഥമാക്കി സ്ഥാപനത്തിന് അഭിമാനമായത്. വിജയികൾക്ക് എം.എൽ.എ അവാർഡുകളും സർട്ടിഫിക്കറ്റുകളും മൊമെന്റോകളും വിതരണം ചെയ്തു. ആറ്റിങ്ങൽ നഗരസഭാ ചെയർപേഴ്സൺ എം. പ്രദീപ് അധ്യക്ഷത വഹിച്ചു. പ്രിൻസിപ്പൽ ഇൻ ചാർജ് മിനി കെ. സ്വാഗതം ആശംസിച്ചു. നഗരസഭാ കൗൺസിലർ കെ. സതി, പി.ടി.എ ഭാരവാഹികൾ, ജൂനിയർ അപ്രന്റിസ് അഡ്വൈസർ ടി.ഒ. ശ്രീകുമാർ, ഗ്രൂപ്പ് ഇൻസ്ട്രക്ടർമാരായ ജി. സാബു, അനിൽകുമാർ, എൻ. ബോസ്, ആർ. ഷാൽ, ട്രെയിനീസ് അഡ്വൈസർ സുരേഷ് ജി.എസ്., സ്റ്റാഫ് സെക്രട്ടറി അഭിജിത് രാജ് എന്നിവർ…

കഠിനംകുളം: എച്ച്.പി. ഷാജി ഫൗണ്ടേഷൻ ഏർപ്പെടുത്തിയ രാഷ്ട്രീയ യുവപ്രതിഭാ പുരസ്‌കാരം സെയ്ദലി ഏറ്റുവാങ്ങി. കഠിനംകുളത്തെ അനിൽ ഓഡിറ്റോറിയത്തിൽ ഇന്ന് വൈകുന്നേരം നടന്ന ചടങ്ങിൽ ചിറയിൻകീഴ് എം.എൽ.എ രമ്യ ഹരിദാസ് പുരസ്‌കാരം സമ്മാനിച്ചു. സാമൂഹിക-രാഷ്ട്രീയ രംഗത്തെ പ്രമുഖരുടെ സാന്നിധ്യത്തിലായിരുന്നു പുരസ്‌കാരദാനച്ചടങ്ങ്. പൊതുപ്രവർത്തന രംഗത്തെ ഇടപെടലുകളും വിവിധ മേഖലകളിലെ പ്രവർത്തനങ്ങളും പരിഗണിച്ചാണ് സെയ്ദലിയെ പുരസ്‌കാരത്തിനായി തിരഞ്ഞെടുത്തത്. പുരസ്‌കാരം ലഭിച്ചതിൽ സന്തോഷം പങ്കുവെച്ച സെയ്ദലി, ഈ നേട്ടത്തിന് പിന്നിൽ ജനങ്ങൾ നൽകുന്ന പിന്തുണയ്ക്കും പ്രോത്സാഹനത്തിനും വലിയ പങ്കുണ്ടെന്ന് പറഞ്ഞു. “ഏത് പ്രതിസന്ധിഘട്ടത്തിലും നിങ്ങൾ നൽകുന്ന വലിയ പിന്തുണയാണ് ജീവിതത്തിൽ ഇത്തരം ഭാഗ്യങ്ങൾ ലഭിക്കാൻ കാരണമാകുന്നത്,” സെയ്ദലി പറഞ്ഞു. ജനങ്ങളുടെ പിന്തുണയാണ് മുന്നോട്ടുള്ള പ്രവർത്തനങ്ങൾക്ക് കരുത്തുപകരുന്നതെന്നും അദ്ദേഹം കൂട്ടിച്ചേർത്തു. സാമൂഹിക-രാഷ്ട്രീയ രംഗത്തെ പ്രമുഖരും മറ്റ് വിശിഷ്ടാതിഥികളും ചടങ്ങിൽ പങ്കെടുത്തു.

ആറ്റിങ്ങൽ: 1995-ൽ ഒരാളെ വെട്ടിക്കൊലപ്പെടുത്താൻ ശ്രമിച്ച കേസിൽ 1995 മുതൽ ഒളിവിൽ കഴിഞ്ഞിരുന്ന പ്രതിയെ ആറ്റിങ്ങൽ പോലീസ് പിടികൂടി. കരവാരം വില്ലേജിലെ തോട്ടക്കാട് കാട്ടിൽ പുത്തൻവീട്ടിൽ ജലാലുദ്ദീനെയാണ് പോലീസ് അറസ്റ്റ് ചെയ്തത്. നഗരൂർ വില്ലേജിലെ ദർശനവട്ടം ദേശത്ത് ഗണപതിയാംകോണം പെരുമാമല പുത്തൻവീട്ടിൽ മൈതീൻ കുഞ്ഞിന്റെ മകൻ സൈനുലാബ്ദീനെയാണ് പ്രതിയും സഹോദരന്മാരും ചേർന്ന് വെട്ടിപ്പരിക്കേൽപ്പിച്ച് കൊലപ്പെടുത്താൻ ശ്രമിച്ചതെന്നാണ് കേസ്. ഗൾഫിൽ പോകുന്നതിനായി ജലാലുദ്ദീന് നൽകിയ പണം തിരികെ ചോദിച്ചതിലുള്ള വിരോധമാണ് ആക്രമണത്തിന് കാരണമെന്നാണ് പോലീസ് പറയുന്നത്. 1995 നവംബർ 28-നാണ് കേസിനാസ്പദമായ സംഭവം നടന്നത്. കേസിൽ പ്രതിയായ ജലാലുദ്ദീൻ പിന്നീട് കോടതിയിൽ ഹാജരാകാതെ ഒളിവിൽ കഴിയുകയായിരുന്നു. പിടികിട്ടാപ്പുള്ളികളെ കണ്ടെത്തുന്നതിനായി ആറ്റിങ്ങൽ ഡിവൈ.എസ്.പി. അജി ചന്ദ്രൻ നായരുടെ നേതൃത്വത്തിൽ രൂപീകരിച്ച പ്രത്യേക അന്വേഷണസംഘം നടത്തിയ അന്വേഷണത്തിനൊടുവിലാണ് പ്രതിയെ പിടികൂടിയത്. ആറ്റിങ്ങൽ പോലീസ് ഇൻസ്പെക്ടർ ശ്രീജേഷ് വി.കെ., പോലീസുകാരായ മനോജ്, അഭിലാഷ് എന്നിവരടങ്ങിയ സംഘമാണ് പ്രതിയെ പിടികൂടിയത്. അറസ്റ്റിലായ പ്രതിയെ കോടതിയിൽ ഹാജരാക്കി.

വർക്കല: തിരുവനന്തപുരം ജില്ലാ പഞ്ചായത്തും ഭാരതീയ ചികിത്സാ വകുപ്പും സംയുക്തമായി വർക്കല ഗവൺമെന്റ് ജില്ലാ ആയുർവേദ ആശുപത്രിയിൽ നടപ്പിലാക്കിവരുന്ന സ്നേഹധാര പദ്ധതിയുടെ ഭാഗമായി കുട്ടികളുടെയും രക്ഷിതാക്കളുടെയും സംഗമമായ ‘സ്നേഹസംഗമം’ സംഘടിപ്പിച്ചു. വ്യാഴാഴ്ച രാവിലെ 10ന് നടന്ന പരിപാടി തിരുവനന്തപുരം ജില്ലാ പഞ്ചായത്ത് വൈസ് പ്രസിഡന്റ് ബി.പി. മുരളി ഉദ്ഘാടനം ചെയ്തു. വർക്കല നഗരസഭ ചെയർപേഴ്സൺ ഗീത ഹേമചന്ദ്രൻ അധ്യക്ഷത വഹിച്ചു. ഭാരതീയ ചികിത്സാ വകുപ്പ് തിരുവനന്തപുരം ജില്ലാ മെഡിക്കൽ ഓഫീസർ ഡോ. സീബ എസ്. ബാലകൃഷ്ണൻ സ്വാഗതം ആശംസിച്ചു. സ്നേഹധാര പദ്ധതി കോർഡിനേറ്റർ ഡോ. റോഷ്നി അനിരുദ്ധൻ വിഷയാവതരണം നടത്തി. പരിപാടിയുടെ ഭാഗമായി കുട്ടികളുടെ വിവിധ കലാപരിപാടികൾ അരങ്ങേറി. കുട്ടികൾക്കായി സമ്മാനദാനവും സംഘടിപ്പിച്ചു. ഇന്ത്യയിലെ ഏറ്റവും പ്രായം കുറഞ്ഞ ഓട്ടിസ്റ്റിക് എഴുത്തുകാരനും ലോകത്തിലെ ഏറ്റവും പ്രായം കുറഞ്ഞ ഓട്ടിസ്റ്റിക് ചിന്തകനുമായി അറിയപ്പെടുന്ന നയൻ എസ്., സംസ്ഥാനതല ഇൻക്ലൂസീവ് സ്പോർട്സ് ബാഡ്മിന്റൺ മത്സരത്തിൽ ഒന്നാം സ്ഥാനം നേടിയ തീർത്ഥ ജെ.എസ്. എന്നിവരെ ചടങ്ങിൽ…

നാവായിക്കുളം: ഭിന്നശേഷിക്കാരായ കുട്ടികളുടെ സ്കോളർഷിപ്പ് കുടിശ്ശിക വിഷയം ചർച്ച ചെയ്യാൻ അനുമതി നൽകിയില്ലെന്നാരോപിച്ച് നാവായിക്കുളം പഞ്ചായത്ത് പ്രസിഡന്റ് വിളിച്ചുചേർത്ത അടിയന്തര കമ്മിറ്റി യോഗം എൽഡിഎഫ് അംഗങ്ങൾ ബഹിഷ്കരിച്ചു. തുടർന്ന് പഞ്ചായത്തിന് മുന്നിൽ ധർണയും നടത്തി. ശാരീരിക-മാനസിക വെല്ലുവിളികൾ നേരിടുന്ന കുട്ടികൾക്കുള്ള സ്കോളർഷിപ്പ് കുടിശ്ശിക വിഷയം യോഗത്തിന്റെ അജണ്ടയിൽ ഉൾപ്പെടുത്തി ചർച്ച ചെയ്യണമെന്ന് എൽഡിഎഫ് അംഗം എസ്. ശ്രീനാഥ് കമ്മിറ്റി ആരംഭിക്കുന്നതിന് മുമ്പ് ക്രമപ്രശ്നത്തിലൂടെ ആവശ്യപ്പെട്ടു. എന്നാൽ ഇതിന് പഞ്ചായത്ത് പ്രസിഡന്റ് അനുമതി നൽകിയില്ലെന്നാണ് എൽഡിഎഫിന്റെ ആരോപണം. ഇതിൽ പ്രതിഷേധിച്ചാണ് അംഗങ്ങൾ യോഗം ബഹിഷ്കരിച്ച് ധർണ നടത്തിയത്. വിഷയം ചർച്ച ചെയ്യണമെന്നാവശ്യപ്പെട്ട് പഞ്ചായത്ത് പ്രസിഡന്റിനും സെക്രട്ടറിക്കും എൽഡിഎഫ് അംഗങ്ങൾ നേരത്തേ കത്ത് നൽകിയിരുന്നു. ഭിന്നശേഷിക്കാരായ കുട്ടികൾക്ക് നൽകിവരുന്ന വാർഷിക സ്കോളർഷിപ്പ് മാസങ്ങളായി മുടങ്ങിയിരിക്കുകയാണെന്ന് എൽഡിഎഫ് ആരോപിച്ചു.. മാനസിക വെല്ലുവിളികൾ നേരിടുന്ന കുട്ടികൾക്ക് പ്രതിവർഷം ഏകദേശം 28,500 രൂപയും ശാരീരിക വെല്ലുവിളികൾ നേരിടുന്ന കുട്ടികൾക്ക് 5,000 രൂപ വരെയും സ്കോളർഷിപ്പായി നൽകേണ്ടതുണ്ടെന്ന് എൽഡിഎഫ് ചൂണ്ടിക്കാട്ടി.…

വർക്കല: നീന്തൽ പരിശീലനത്തിനിടെ എട്ടാം ക്ലാസ് വിദ്യാർത്ഥിനിക്ക് നേരെ ലൈംഗികാതിക്രമം നടത്തിയെന്ന പരാതിയിൽ നീന്തൽ പരിശീലകനെ അയിരൂർ പോലീസ് കസ്റ്റഡിയിലെടുത്തു.തിരുവല്ലം പുഞ്ചക്കരി സ്വദേശിയും നീന്തൽ പരിശീലകനുമായ ശരത് ചന്ദ്രനാണ് പോലീസിൻ്റെ പിടിയിലായത്. നീന്തൽ പരിശീലനത്തിനിടെ വെള്ളത്തിനടിയിൽവെച്ച് അധ്യാപകൻ ലൈംഗികാതിക്രമം നടത്തിയെന്നാണ് കുട്ടിയുടെ പരാതിയിൽ പറയുന്നത്. ആൺകുട്ടികൾക്കും പെൺകുട്ടികൾക്കും പരിശീലനം നൽകാൻ പുരുഷ, വനിതാ പരിശീലകർ പ്രത്യേകം ഉണ്ടായിരുന്നെങ്കിലും സംഭവസമയത്ത് വനിതാ പരിശീലക വെള്ളത്തിലിറങ്ങിയിരുന്നില്ലെന്നും പുരുഷ പരിശീലകനാണ് പെൺകുട്ടികളടക്ക മുള്ളവർക്ക് പരിശീലനം നൽകിയതെന്നുമാണ് ലഭിക്കുന്ന വിവരം. ആദ്യഘട്ടത്തിൽ പരിശീലകന്റെ പെരുമാറ്റത്തിലെ അസ്വാഭാവികത തിരിച്ചറിയാൻ കുട്ടിക്ക് കഴിഞ്ഞിരുന്നില്ലെന്നും, എന്നാൽ തുടർന്നുണ്ടായ അതിക്രമങ്ങളിൽ ഭയന്ന കുട്ടി പരിശീലകനിൽനിന്ന് കുതറിമാറി വെള്ളത്തിൽനിന്ന് കരയിലേക്ക് കയറി.സംഭവത്തെ തുടർന്ന് സ്കൂൾ മാനേജ്മെൻറ് പരിശീലകനെ സ്കൂളിൽ നിന്നും പുറത്താക്കി. ഇയാൾ 23 വർഷം നേവി ഉദ്യോഗസ്ഥൻ ആയിരുന്നു വിരമിച്ച ശേഷം നീന്തൽ പരിശീലകനായി തുടരുകയായിരുന്നു. തുടർന്നുള്ള ദിവസങ്ങളിൽ കുട്ടിയുടെ സ്വഭാവത്തിൽ മാറ്റങ്ങൾ പ്രകടമായതോടെ രക്ഷിതാവ് തിരുവനന്തപുരത്തെ സ്വകാര്യ ആശുപത്രിയിൽ കുട്ടിക്ക് ചികിത്സ…

കല്ലമ്പലം : നാവായിക്കുളം ഗ്രാമപഞ്ചായത്തിൽ കേരളോത്സവം സംഘടിപ്പിക്കാത്തതിനെച്ചൊല്ലി കോൺഗ്രസ് ഭരണസമിതിക്കെതിരെ പ്രതിഷേധവുമായി എൽ.ഡി.എഫ്. വിഷയം ചർച്ച ചെയ്യാൻ അടിയന്തര പഞ്ചായത്ത് കമ്മിറ്റി യോഗം വിളിച്ചുചേർക്കണമെന്ന് ആവശ്യപ്പെട്ട് എൽ.ഡി.എഫ് പാർലമെന്ററി പാർട്ടി ലീഡർ ജലാലുദ്ദീന്റെ നേതൃത്വത്തിൽ അംഗങ്ങൾ പഞ്ചായത്ത് സെക്രട്ടറിക്ക് കത്ത് നൽകി. സംസ്ഥാന സർക്കാരിന്റെ നിർദേശപ്രകാരം തദ്ദേശ സ്വയംഭരണ സ്ഥാപനങ്ങൾ സംഘടിപ്പിക്കേണ്ട കേരളോത്സവം നടത്തുന്നതിൽ ഭരണസമിതി വീഴ്ച വരുത്തുകയാണെന്നാണ് എൽ.ഡി.എഫിന്റെ ആരോപണം. കേരളോത്സവം സംഘടിപ്പിക്കുന്നതിനായി ഫണ്ട് വകയിരുത്തുകയോ സംഘാടക സമിതി രൂപീകരിക്കുകയോ ചെയ്യാത്തത് പഞ്ചായത്തിലെ യുവജനങ്ങളുടെ കായിക-സാംസ്കാരിക കഴിവുകൾ പ്രകടിപ്പിക്കാനുള്ള അവസരം നഷ്ടപ്പെടുത്തുന്നതാണെന്നും കത്തിൽ ചൂണ്ടിക്കാട്ടി. കേരളോത്സവത്തിലൂടെ ബ്ലോക്ക്, ജില്ലാ, സംസ്ഥാന തല മത്സരങ്ങളിൽ പങ്കെടുക്കാൻ യുവതീ-യുവാക്കൾക്ക് അവസരം ലഭിക്കേണ്ടതുണ്ട്. എന്നാൽ, ഭരണസമിതിയുടെ അനാസ്ഥമൂലം ഈ അവസരങ്ങൾ നഷ്ടപ്പെടുന്ന സാഹചര്യമാണുള്ളതെന്ന് എൽ.ഡി.എഫ് ആരോപിച്ചു. ഉടൻ അടിയന്തര പഞ്ചായത്ത് കമ്മിറ്റി യോഗം വിളിച്ച് കേരളോത്സവത്തിന്റെ തീയതി പ്രഖ്യാപിക്കുകയും ആവശ്യമായ നടപടികൾ സ്വീകരിക്കുകയും വേണമെന്നാണ് എൽ.ഡി.എഫിന്റെ ആവശ്യം. ഇക്കാര്യത്തിൽ നടപടി സ്വീകരിച്ചില്ലെങ്കിൽ ശക്തമായ ബഹുജന…