Author: News Admin

വർക്കല: വർക്കല ഉപജില്ലാ സ്കൂൾ ശാസ്ത്രോത്സവം 2026-27ന് തുടക്കമായി. ഇടവ ഗ്രാമപഞ്ചായത്ത് പ്രസിഡന്റ് റീതു മോഹൻ ശാസ്ത്രോത്സവം ഉദ്ഘാടനം ചെയ്തു. ഇടവ ഗ്രാമപഞ്ചായത്ത് വൈസ് പ്രസിഡന്റ് പി. സി. ബാബു അധ്യക്ഷത വഹിച്ചു. വർക്കല നഗരസഭ ചെയർപേഴ്സൺ ഗീതാ ഹേമചന്ദ്രൻ മുഖ്യപ്രഭാഷണം നടത്തി. വെട്ടൂർ ഗ്രാമപഞ്ചായത്ത് പ്രസിഡന്റ് സുജി, ജനറൽ കൺവീനർ ബിജു എസ്., ഇടവ ഗ്രാമപഞ്ചായത്ത് അംഗങ്ങളായ റിസ്വാന, റോഷ്നി, സൽമാൻ ഷാരു, രമണി, ഷൈലജ, രവീന്ദ്രൻ, അസീല, എസ്.എം.സി. ചെയർപേഴ്സൺ സിന്ധു, ഹെഡ്മാസ്റ്റേഴ്സ് ഫോറം സെക്രട്ടറി അശോക് കുമാർ, ഉപജില്ലാ വിദ്യാഭ്യാസ ഓഫീസർ സിനി ബി. എസ്. എന്നിവർ സംസാരിച്ചു. വിദ്യാർത്ഥികളുടെ ശാസ്ത്രാഭിരുചിയും സർഗാത്മകതയും പ്രോത്സാഹിപ്പിക്കുന്ന വിവിധ മത്സരങ്ങളും പ്രദർശനങ്ങളും ശാസ്ത്രോത്സവത്തിന്റെ ഭാഗമായി നടന്നു.

കല്ലമ്പലം: വയോധികനെ കുത്തിപ്പരിക്കേൽപ്പിച്ച് രക്ഷപ്പെടാൻ ശ്രമിച്ച രണ്ട് പേർ പോലീസ് പിടിയിൽ. കല്ലമ്പലം വഞ്ചിയൂർ സ്വദേശി ബാബു (56) ആണ് കുത്തേറ്റത്. സംഭവത്തിൽ കല്ലമ്പലം തോട്ടയ്ക്കാട് സ്വദേശികളായ പുള്ളിമാൻ അനീഷ് എന്ന അനീഷ്, മലക്കറി ഉണ്ണി എന്ന ഉണ്ണി എന്നിവരെയാണ് പോലീസ് പിടികൂടിയത്. ചൊവ്വാഴ്ച വൈകിട്ട് 6.45ഓടെയാണ് ബാബുവിനെ കരവാരം പഞ്ചായത്ത് ഓഫീസിന് സമീപം രക്തം വാർന്ന നിലയിൽ കണ്ടെത്തിയത്. കല്ലമ്പലം പോലീസ് സ്ഥലത്തെത്തി ഇയാളെ പാരിപ്പള്ളി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ചെവിക്ക് താഴ്ഭാഗത്താണ് കുത്തേറ്റത്. മദ്യപിക്കുന്നതിനിടെയുണ്ടായ വാക്കുതർക്കമാണ് ആക്രമണത്തിൽ കലാശിച്ചതെന്ന് പോലീസ് പറഞ്ഞു. സംഭവത്തിന് പിന്നാലെ പ്രതികളെ തിരിച്ചറിഞ്ഞ പോലീസ് പ്രദേശത്ത് വ്യാപകമായി തിരച്ചിൽ നടത്തി. രക്ഷപ്പെടുന്നതിനായി തോട്ടയ്ക്കാട് ആളൊഴിഞ്ഞ വീട്ടിൽ ഒളിച്ചിരുന്ന പ്രതികളെ പോലീസ് പിടികൂടി. വർക്കല ഡിവൈഎസ്പി രമേഷ് കുമാറിന്റെ നേതൃത്വത്തിൽ കല്ലമ്പലം, വർക്കല, പള്ളിക്കൽ പോലീസ് സ്റ്റേഷനുകളിൽ നിന്നുള്ള ഉദ്യോഗസ്ഥർ നടത്തിയ അന്വേഷണത്തിലാണ് പ്രതികളെ പിടികൂടിയത്. ബാബു ആശുപത്രിയിൽ ചികിത്സയിലാണ്. പ്രത്രികളെ നിയമ നടപടിക്രമങ്ങൾ…

കല്ലമ്പലം: ദേശീയപാതയോട് ചേർന്നുള്ള പണി പൂർത്തിയാകാത്ത റോഡിൽ കാറിനുള്ളിൽ അവസാന വർഷ എം.ബി.ബി.എസ് വിദ്യാർത്ഥിയെ മരിച്ച നിലയിൽ കണ്ടെത്തി. കിളിമാനൂർ തട്ടത്തുമല എ.എസ്. ഭവനിൽ ഡോ. ആഷിക് (25) ആണ് മരിച്ചത്. ആലപ്പുഴ മെഡിക്കൽ കോളേജിലെ അവസാന വർഷ MBBS വിദ്യാർത്ഥിയായിരുന്നു. ചൊവ്വാഴ്ച രാത്രി എട്ടരയോടെയാണ് സംഭവം. കല്ലമ്പലത്തിനും തട്ടുപാലത്തിനും ഇടയിൽ ദേശീയപാതയോട് ചേർന്നുള്ള സർവീസ് റോഡിൽ കാറിനുള്ളിൽ ആഷിക്കിനെ അനക്കമില്ലാത്ത നിലയിൽ കണ്ടെത്തുകയായിരുന്നു. തുടർന്ന് പാരിപ്പള്ളി മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ആശുപത്രിയിലെത്തുന്നതിന് മുമ്പ് തന്നെ മരണം സംഭവിച്ചതായി ഡോക്ടർമാർ സ്ഥിരീകരിച്ചു. ചൊവ്വാഴ്ച വൈകുന്നേരം നാലുമണിയോടെ കിളിമാനൂരിലെ വീട്ടിൽനിന്ന് പള്ളിക്കലിലേക്കും തുടർന്ന് കല്ലമ്പലത്തേക്കും പോകുകയാണെന്ന് വീട്ടുകാരോട് പറഞ്ഞാണ് ആഷിക് പുറപ്പെട്ടതെന്ന് ആക്ഷികിൻ്റെ പിതാവ് അൻസർ അറിയിച്ചു. എന്നാൽ പറഞ്ഞ സമയത്ത് വീട്ടിൽ തിരിച്ചെത്താതിരുന്നതിനെ തുടർന്ന് പിതാവ് അൻസർ സുഹൃത്തിനൊപ്പം അന്വേഷണം ആരംഭിച്ചു. കല്ലമ്പലം പോലീസിന്റെ സഹായത്തോടെ മൊബൈൽ ടവർ ലൊക്കേഷൻ പരിശോധിച്ചതിനെ തുടർന്ന് നടത്തിയ അന്വേഷണത്തിലാണ് കല്ലമ്പലം–തട്ടുപാലം ഭാഗത്ത് ആഷിക്കിന്റെ…

വർക്കല: റെയിൽവേ സ്റ്റേഷൻ പ്ലാറ്റ്ഫോമിൽ യുവാവിന് അഞ്ചംഗ സംഘത്തിന്റെ മർദ്ദനം. ബന്ധുക്കളോടൊപ്പം ട്രെയിൻ യാത്രയ്ക്കായി വർക്കല റെയിൽവേ സ്റ്റേഷനിലെത്തിയ യുവാവിനെ അഞ്ചംഗ സംഘം മർദ്ദിച്ചതായി പരാതി. ഹരിഹരപുരം സ്വദേശി അഖിൽ കൃഷ്ണൻ (28) ആണ് ആക്രമണത്തിനിരയായത്. സംഭവത്തിൽ ഹരിഹരപുരം സ്വദേശികളായ ചിന്നു എന്ന ക്രിസ്റ്റി, ജിബിൻ വർഗീസ്, സിജിൻ ക്രിസ്റ്റസ്, ജോജി, അതുൽ മെൽവിൻ എന്നിവരെ വർക്കല പൊലീസ് അറസ്റ്റ് ചെയ്തു.ഒക്ടോബർ നാലിന് വൈകിട്ട് ആറുമണിയോടെയാണ് സംഭവം. ഗുരുവായൂർ ക്ഷേത്രത്തിലേക്ക് പോകുന്നതിനായി ബന്ധുക്കളോടൊപ്പം ഒന്നാം പ്ലാറ്റ്ഫോമിൽ ട്രെയിൻ കാത്തുനിൽക്കുന്നതിനിടെ അഞ്ചംഗ സംഘം അഖിലിനെ അസഭ്യം വിളിക്കുകയും മർദ്ദിക്കുകയും ചെയ്തെന്നാണ് പരാതി. സംഘത്തിലെ ഒരാൾ കൈവശമുണ്ടായിരുന്ന വലിയ പാറക്കല്ലുകൊണ്ട് അഖിലിന്റെ തലയ്ക്ക് അടിക്കാൻ ശ്രമിച്ചെങ്കിലും ഒഴിഞ്ഞുമാറിയതിനാൽ ചെവിക്ക് പാറക്കല്ല് കൊണ്ടുള്ള ഇടിയേറ്റ് പരിക്കേറ്റതായി പരാതിയിൽ പറയുന്നു. തുടർന്ന് ബന്ധുക്കളുടെ മുന്നിൽവച്ച് അഖിലിനെ സംഘം മർദ്ദിക്കുകയും, തടയാൻ ശ്രമിച്ച ബന്ധുക്കളെ അസഭ്യം വിളിച്ച് ആക്രമിക്കാൻ ശ്രമിക്കുകയും ചെയ്തതായാണ് പരാതി. വിവരമറിഞ്ഞ് സ്ഥലത്തെത്തിയ വർക്കല പൊലീസ്…

നാവായിക്കുളം:ഗാന്ധിജയന്തിയോടനുബന്ധിച്ച് നാവായിക്കുളം ഡീസന്റ് മുക്ക് റോഡിന്റെ ഇരുവശവും ശുചീകരിച്ചു. നാവായിക്കുളം ഗവ. ഹയർ സെക്കൻഡറി സ്കൂൾ വിദ്യാർഥികളും നിരവധി തൊഴിലാളികളും കാൽനടയാത്രയ്ക്ക് ആശ്രയിക്കുന്ന റോഡിന്റെ ഇരുവശങ്ങളിലുമാണ് ഡീസന്റ് മുക്ക് വാർഡിലെ തൊഴിലുറപ്പ് തൊഴിലാളികൾ ശുചീകരണ പ്രവർത്തനം നടത്തിയത്. വാർഡ് മെമ്പർ ജി. വിജിനും നാവായിക്കുളം ഗ്രാമപഞ്ചായത്ത് അസിസ്റ്റന്റ് സെക്രട്ടറി ബിജുവും ശുചീകരണ പ്രവർത്തനങ്ങൾക്ക് നേതൃത്വം നൽകി. കാൽനടയാത്രക്കാർ ഏറെ ആശ്രയിക്കുന്ന റോഡിന്റെ ഇരുവശങ്ങളിലുമുള്ള കൈയേറ്റങ്ങൾ ഒഴിവാക്കണമെന്നാവശ്യപ്പെട്ട് വാർഡ് മെമ്പർ ജി. വിജിൻ നൽകിയ പരാതിയിൽ അടിയന്തര നടപടി സ്വീകരിക്കുമെന്ന് പഞ്ചായത്ത് സെക്രട്ടറി ഉറപ്പ് നൽകി.

ആറ്റിങ്ങൽ: ലോഡ്ജ് മുറിയിൽ ദിവസങ്ങൾ പഴക്കമുള്ള മൃതദേഹം കണ്ടെത്തി. അയിലം മൈവള്ളി ഏലയ്ക്ക് സമീപം തെക്കേവിള വീട്ടിൽ നാസറുദീൻ (54), നാസർ എന്നയാളെയാണ് മരിച്ച നിലയിൽ കണ്ടെത്തിയത്. ആറ്റിങ്ങൽ സബ് ട്രഷറിക്ക് എതിർവശത്തെ ഉത്രട്ടാതി ലോഡ്ജിൽ രണ്ടര വർഷത്തോളമായി താമസിച്ചുവരികയായിരുന്നു നാസറുദീൻ. സമീപത്തെ മുറികളിൽ താമസിച്ചിരുന്നവർക്ക് രൂക്ഷമായ ദുർഗന്ധം അനുഭവപ്പെട്ടതിനെ തുടർന്ന് ലോഡ്ജ് ഉടമയെ വിവരം അറിയിക്കുകയായിരുന്നു.തുടർന്ന് ലോഡ്ജ് ഉടമ ആറ്റിങ്ങൽ പൊലീസിൽ വിവരം അറിയിച്ചു. പൊലീസ് നടത്തിയ പരിശോധനയിലാണ് മുറിക്കുള്ളിൽ കട്ടിലിൽ മരിച്ച നിലയിൽ നാസറുദീനെ കണ്ടെത്തിയത്. മൃതദേഹത്തിന് ദിവസങ്ങളുടെ പഴക്കമുണ്ടെന്നാണ് പ്രാഥമിക വിലയിരുത്തൽ.ആറ്റിങ്ങൽ പൊലീസ് സ്ഥലത്തെത്തി തുടർനടപടികൾ സ്വീകരിച്ചു.

കല്ലമ്പലം: വീട്ടിൽ അതിക്രമിച്ച് കയറി വീട്ടമ്മയെ ആക്രമിക്കുകയും ഗൃഹോപകരണങ്ങൾ നശിപ്പിക്കുകയും ചെയ്തെന്ന പരാതി വ്യാജമാണെന്ന് ആരോപിച്ച് യുവാക്കൾ രംഗത്ത്. ആരോപണവിധേയരായ സംഘത്തിലെ മേൽവെട്ടൂർ ചൂതൻവിള വീട്ടിൽ അഹമ്മദ് ബിലാലും മേൽവെട്ടൂർ റസീന മൻസിലിൽ റിയാസുമാണ് ആരോപണവുമായി രംഗത്തെത്തിയത്. സംഭവം സംബന്ധിച്ച് കഴിഞ്ഞ ദിവസം കല്ലമ്പലം പ്രസ് ക്ലബ്ബിൽ നടത്തിയ വാർത്താസമ്മേളനത്തിലാണ് ഇരുവരും വിശദീകരണം നൽകിയത്.വീട്ടമ്മയുടെ സഹോദരനെ സംശയാസ്പദമായ സാഹചര്യത്തിൽ ഒരിടത്ത് കണ്ടതിനെ തുടർന്ന് ചോദ്യം ചെയ്തതിന്റെ വൈരാഗ്യത്തിൽ സംഭവദിവസം രാത്രി 8.15ഓടെ ഇയാൾ തങ്ങളുടെ മൊബൈൽ ഫോൺ ബലമായി പിടിച്ചുവാങ്ങിയെന്നാണ് യുവാക്കളുടെ ആരോപണം. ഫോൺ തിരികെ വാങ്ങുന്നതിനായി വീട്ടിലെത്തിയപ്പോൾ വീട്ടമ്മയുടെ സഹോദരൻ വാളുമായി തങ്ങളെ ആക്രമിക്കാൻ ശ്രമിച്ചെന്നും ഭയന്ന് വാഹനങ്ങൾ ഉപേക്ഷിച്ച് സ്ഥലത്തുനിന്ന് ഓടിപ്പോകുകയായിരുന്നെന്നും ഇവർ പറഞ്ഞു. തങ്ങളെ ആക്രമിക്കാൻ ശ്രമിച്ച വീട്ടമ്മയുടെ സഹോദരനെ സംരക്ഷിക്കുന്നതിനായാണ് പിന്നീട് പൊലീസ് സ്റ്റേഷനിൽ തങ്ങൾക്കെതിരെ വ്യാജ പരാതി നൽകിയതെന്നും യുവാക്കൾ ആരോപിച്ചു.സംഭവത്തിൽ യഥാർഥ വസ്തുത പുറത്തുകൊണ്ടു വരുന്നതിനായി പൊലീസ് സമഗ്രമായ അന്വേഷണം നടത്തണമെന്നും അഹമ്മദ്…

കടയ്ക്കാവൂർ: ഗാന്ധിജയന്തിയോടനുബന്ധിച്ച് കടയ്ക്കാവൂർ ഗ്രാമപഞ്ചായത്തിലെ 12-ാം വാർഡിൽ ജാഗ്രതാ ദിനാചരണം സംഘടിപ്പിച്ചു. വാർഡ് മെമ്പർ സിന്ധിൽകുമാറിന്റെ അധ്യക്ഷതയിൽ നടന്ന പരിപാടിയിൽ ചിറയിൻകീഴ് എക്സൈസ് ഓഫീസർ സന്തോഷ്, അസിസ്റ്റന്റ് എക്സൈസ് ഓഫീസർ കൃഷ്ണകുമാർ എന്നിവരുടെ സാന്നിധ്യമുണ്ടായിരുന്നു. ബ്ലോക്ക് പഞ്ചായത്ത് മെമ്പർ വക്കം അജിത്ത്, കടയ്ക്കാവൂർ പഞ്ചായത്ത് എ.എസ്. ഷീബ, പഞ്ചായത്ത് ജീവനക്കാരൻ സുജിത്ത്, അംഗൻവാടി അധ്യാപകരും ഹെൽപ്പർമാരും, ഹരിത കർമ്മസേനാംഗങ്ങൾ, തൊഴിലുറപ്പ് മേറ്റുമാർ, ആശാ പ്രവർത്തകർ, നാട്ടുകാർ എന്നിവർ പങ്കെടുത്തു. ചടങ്ങിന്റെ ഭാഗമായി ആശാ പ്രവർത്തകർ, ഹരിത കർമ്മസേനാംഗങ്ങൾ, തൊഴിലുറപ്പ് മേറ്റുമാർ, അംഗൻവാടി അധ്യാപകർ, ഹെൽപ്പർമാർ എന്നിവരെ ആദരിച്ചു. ഗാന്ധിജയന്തിയുടെ സന്ദേശമായ ശുചിത്വത്തിന്റെയും സാമൂഹിക ഉത്തരവാദിത്തത്തിന്റെയും പ്രാധാന്യം ഉയർത്തിപ്പിടിക്കുന്നതായിരുന്നു പരിപാടി.

കല്ലമ്പലം: വീട്ടിൽ അതിക്രമിച്ചുകയറി ഭീകരാന്തരീക്ഷം സൃഷ്ടിക്കുകയും വീട്ടമ്മയെ ആക്രമിച്ച് പരിക്കേൽപ്പിക്കുകയും ചെയ്ത സംഭവത്തിൽ പൊലീസ് അന്വേഷണം തൃപ്തികരമല്ലെന്ന് പരാതി. വർക്കല ആശാൻമുക്ക് മേൽവെട്ടൂർ കാവിൽ വീട്ടിൽ സാഹിലയാണ് ആരോപണവുമായി രംഗത്തെത്തിയത്. കഴിഞ്ഞ 20ന് രാത്രി 8.30ഓടെയായിരുന്നു സംഭവം. വീട്ടിലെത്തിയ പത്തോളം പേരടങ്ങുന്ന സംഘം കാൻസർ ബാധിതനായ സാഹിലയുടെ ഭർത്താവിനെ മർദിക്കാൻ ശ്രമിക്കുന്നതിനിടെ തടയാനെത്തിയ സാഹിലയ്ക്കും മർദനമേറ്റതായാണ് പരാതി. കാലിന് പരിക്കേറ്റ സാഹില വർക്കല താലൂക്ക് ആശുപത്രിയിൽ ചികിത്സ തേടിയശേഷം വർക്കല പൊലീസിൽ പരാതി നൽകി. വീടിനുള്ളിൽ കയറി മൂന്ന് പേർ തന്നെ ആക്രമിക്കുകയും ഗൃഹോപകരണങ്ങൾ നശിപ്പിക്കുകയും ചെയ്തതായും വീടിന് അകത്തും പുറത്തുമായി കണ്ടാലറിയാവുന്ന പത്തോളം പേർ ഉണ്ടായിരുന്നതായും സാഹില പറഞ്ഞു. നിലവിളി കേട്ട് സമീപവാസിയായ സഹോദരൻ അബൂതാലിബ് എത്തിയപ്പോഴേക്കും സംഘം വാഹനങ്ങൾ ഉപേക്ഷിച്ച് കടന്നുകളഞ്ഞതായും അവർ പറഞ്ഞു. പൊലീസ് സ്ഥലത്തെത്തി വാഹനങ്ങൾ കസ്റ്റഡിയിലെടുത്തെങ്കിലും പിന്നീട് അക്രമികൾക്ക് തിരികെ നൽകിയതായി അറിഞ്ഞെന്നും സാഹില ആരോപിച്ചു. മുൻവൈരാഗ്യത്തെ തുടർന്ന് സഹോദരനെ തേടിയെത്തിയ സംഘമാണ് സംഭവത്തിന്…

കല്ലമ്പലം: പി.എം.ഇ.ജി.പി പദ്ധതിയിൽ 10 ലക്ഷം രൂപയുടെ ലോൺ അനുവദിച്ചുനൽകാമെന്ന് വാഗ്ദാനം ചെയ്ത് പണം തട്ടിയെടുത്തതായി ആരോപണം. തട്ടിപ്പിനിരയായ കുടുംബം കടക്കെണിയിലായതായി പരാതിയുമായി രംഗത്ത്. ചാത്തന്നൂർ മീനാട് ചിറക്കര കല്ലിങ്കൽ വീട്ടിൽ പ്രസന്നകുമാരി അമ്മയും കുടുംബവുമാണ് പരാതിക്കാർ. പത്ത് വർഷത്തോളം വിദേശത്ത് കഴിഞ്ഞിരുന്ന പ്രസന്നകുമാരി നാട്ടിൽ തിരിച്ചെത്തിയ ശേഷം ഉപജീവനത്തിനായി കാറ്ററിംഗ് സർവീസ് ആരംഭിക്കുന്നതിനായി ലോൺ തേടുന്നതിനിടെയാണ് തട്ടിപ്പിനിരയായതെന്നാണ് ആരോപണം. തഴുത്തല സ്വദേശിയായ യുവതി പ്രസന്നകുമാരിയെ സമീപിച്ച് ഈടില്ലാതെ 10 ലക്ഷം രൂപയുടെ ലോൺ ശരിയാക്കാമെന്ന് വാഗ്ദാനം ചെയ്തതോടെയാണ് സംഭവങ്ങളുടെ തുടക്കം. പത്ത് പേർ വീതമുള്ള രണ്ട് ഗ്രൂപ്പുകളിലായി ഒരാൾക്ക് 10 ലക്ഷം രൂപ വീതം ആകെ രണ്ട് കോടി രൂപ ലോൺ അനുവദിക്കാമെന്നായിരുന്നു വാഗ്ദാനം. ലോൺ അനുവദിക്കുന്ന ബാങ്കിലെ ഉദ്യോഗസ്ഥയെന്ന് പരിചയപ്പെടുത്തിയ മറ്റൊരു യുവതിയെയും ഇവർ പ്രസന്നകുമാരിക്ക് പരിചയപ്പെടുത്തിയിരുന്നു. ഇരുവരും ചേർന്ന് ലോൺ പ്രോസസിംഗ് ഫീസും ആദ്യ ഗഡുവും ഉൾപ്പെടെയുള്ള ആവശ്യങ്ങൾ പറഞ്ഞ് പലതവണയായി 15 ലക്ഷം രൂപയോളം വാങ്ങിയെന്നും…