Author: News Admin
വർക്കല: വെന്നിക്കോട് പ്രദേശത്ത് ബൈക്കും കാറും കൂട്ടിയിടിച്ചുണ്ടായ അപകടത്തിൽ യുവാവിന് ദാരുണാന്ത്യം. വക്കം പണയിൽകടവു ഭാഗത്ത് നിന്നും വർക്കലയിലേക്കു പോയ കാറും, വർക്കലയിൽ നിന്ന് പണയിൽകടവു ഭാഗത്തേക്ക് പോയ സ്കൂട്ടിയുമാണ് കൂട്ടിയിടിച്ചത്. അപകടത്തിൽ വർക്കല കാപ്പിൽ മങ്കുഴി വീട്ടിൽ പ്രദീപ്(35) ന് തലയ്ക്ക് ഗുരുതരമായി പരിക്കേറ്റു.ഉടൻ തന്നെ വർക്കലയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സ്കൂട്ടറിന്റെ പിൻസീറ്റിലുണ്ടായിരുന്ന ഷിബു (36) . ഇടിയുടെ ആഘാതത്തിൽ പിൻസീറ്റിലിരുന്ന അകത്തുമുറി സ്വദേശിയായ ഷിബു സ്കൂട്ടറിൽ നിന്ന് തെറിച്ച് റോഡരികിലെ വീടിന്റെ മതിലിനു മുകളിലൂടെ മറുവശത്ത് വീഴുകയായിരുന്നു. ഇയാൾ ഗുരുതരാവസ്ഥയിൽ ചിറയിൻകീഴ് താലൂക്ക് ആശുപത്രിയിൽ ചികിത്സയിലാണ് അപകടത്തെ തുടർന്ന് വർക്കല പോലീസ് കേസെടുത്തു അന്വേഷണം ആരംഭിച്ചിട്ടുണ്ട്.
വർക്കല (ശിവഗിരി): ശ്രീനാരായണ ഗുരുദേവന്‍റെ 171 മത് ജയന്തി ആഘോഷങ്ങള്‍ക്ക് ലോകമാകെ തയ്യാറെടുപ്പുകളായി. 7 നാണ് ഗുരുജയന്തി. ഗുരുദേവന്‍ അവതരിച്ച ചെമ്പഴന്തി വയല്‍വാരം വീട് നിലകൊള്ളുന്ന ചെമ്പഴന്തി ഗുരുകുലത്തിലും മഹാസമാധി കൊണ്ട് പുണ്യം നിറഞ്ഞ ശിവഗിരിയിലും നാടാകെയും ജയന്തി ആഘോഷിക്കുന്നു. ശിവഗിരി മഠം ശാഖാ സ്ഥാപനങ്ങളിലെല്ലാം ഗുരുദേവ ജയന്തി ആഘോഷങ്ങള്‍ ഉണ്ടാകുമെന്നും ശ്രീനാരായണ ധര്‍മ്മസംഘം ട്രസ്റ്റ് ജനറല്‍ സെക്രട്ടറി സ്വാമി ശുഭാംഗാനന്ദ അറിയിച്ചു. ശിവഗിരിയില്‍ കേരള ഗവര്‍ണര്‍ രാജേന്ദ്ര അര്‍ലേക്കറും ചെമ്പഴന്തി ഗുരുകുലത്തില്‍ മുഖ്യമന്ത്രി പിണറായി വിജയനും മുഖ്യാതിഥികളാകും. ശിവഗിരിയില്‍ പുലര്‍ച്ചെ പര്‍ണ്ണശാല , ശാരദാ മഠം, മഹാസമാധി എന്നിവിടങ്ങളിലെ വിശേഷാല്‍ ആരാധനയ്ക്ക് ശേഷം രാവിലെ ഏഴു മണിക്ക് ശ്രീനാരായണ ധര്‍മ്മസംഘം ട്രസ്റ്റ് പ്രസിഡന്‍റ് സച്ചിദാനന്ദ സ്വാമി പതാക ഉയര്‍ത്തും. 9.30 നു ജയന്തി സമ്മേളനം കേരള ഗവര്‍ണര്‍ രാജേന്ദ്ര അര്‍ലേക്കര്‍ ഉദ്ഘാടനം ചെയ്യും. ധര്‍മ്മസംഘം ട്രസ്റ്റ് പ്രസിഡന്‍റ് സച്ചിദാനന്ദ സ്വാമി അധ്യക്ഷത വഹിക്കും. ജയന്തി സന്ദേശവും സ്വാമി നല്‍കും. ജനറല്‍…
കടയ്ക്കാവൂർ: യുവതിയെ വെട്ടിക്കൊലപ്പെടുത്താൻ ശ്രമിച്ച ഭർത്താവ് അറസ്റ്റിൽ. കായിക്കര കൊച്ചുചാത്തിയോട് വീട്ടിൽ 38 വയസ്സുള്ള അനുവിനെയാണ് കടക്കാവൂർ പോലീസ് അറസ്റ്റ് ചെയ്തത്. കുടുംബ പ്രശ്നങ്ങൾ കാരണം പ്രതിയുമായി പിണങ്ങി മാറി താമസിച്ചിരുന്ന പ്രതിയുടെ ഭാര്യാഗൃഹത്തിൽ അതിക്രമിച്ചുകയറി കട്ടിലിൽ ഫോണിൽ സംസാരിച്ചുകൊണ്ട് കിടന്ന ഭാര്യയെ പ്രതി കയ്യിൽ കരുതിയിരുന്ന മൂർച്ചയേറിയ വെട്ടുകത്തി ഉപയോഗിച്ച് തലയ്ക്കും കൈയ്ക്കും മാരകമായി വെട്ടിപ്പരിക്കേൽപ്പിക്കുകയായിരുന്നു. മൂർച്ചയേറിയ ആയുധം ഉപയോഗിച്ച് വെട്ടിയതിനാൽ യുവതിയുടെ വലത് കൈപ്പത്തി അറ്റുപോവുകയും, ഇടതു കൈവിരലുകളും മുറിഞ്ഞു മാറുകയും , ഇരു കാലുകളിലും ആഴത്തിലുള്ള മുറിവും സംഭവിച്ചിട്ടുണ്ട്. ആക്രമണത്തിൽ ഗുരുതരമായി പരിക്കേറ്റ യുവതി ആശുപത്രിയിൽ തീവ്ര പരിചരണ വിഭാഗത്തിൽ ചികിത്സയിൽ തുടരുന്നു. പ്രതിയുടെ രണ്ടാം ഭാര്യയാണ് ആക്രമണത്തിന് ഇരയായത്. പ്രതിയുടെ ആദ്യ ഭാര്യയെ കുത്തിക്കൊലപ്പെടുത്താൻ ശ്രമിച്ചതിൽ എട്ടു വർഷങ്ങൾക്കു മുമ്പ് കല്ലമ്പലം പോലീസ് കേസ് രജിസ്റ്റർ ചെയ്തിട്ടുണ്ട്. അതിനുശേഷം ഇപ്പോൾ ആക്രമണത്തിന് ഇരയായ യുവതിയുമായി ഒരുമിച്ച് താമസിച്ചു വരികയായിരുന്നു. ഇവർ നിയമപരമായി വിവാഹം കഴിച്ചിട്ടില്ല. ആക്രമിക്കപ്പെട്ട…
പള്ളിക്കൽ: ലഹരിക്കേസുകളിൽ പ്രധാനിയെ ഡാൻസാഫ് സംഘം പിടികൂടി ജയിലിലടച്ചു. മടവൂർ ഞാറയിൽക്കോണം അമ്പിളി മുക്കിൽ കുന്നിൽ വീട്ടിൽ 38 വയസ്സുള്ള റിയാദ് ആണ് ഇന്ന് പോലീസിന്റെ പിടിയിലായത്. 2022 ൽ വർക്കല അയിരൂർ പോലീസ് രജിസ്റ്റർ ചെയ്ത എംഡി എം എ വാണിജ്യ അടിസ്ഥാന ത്തിൽ കടത്തിക്കൊണ്ടുവന്ന കേസിൽ ജാമ്യത്തിൽ ഇറങ്ങിയ പ്രതി ജാമ്യവ്യവസ്ഥകൾ ലംഘിച്ചു കൊണ്ട് വീണ്ടും മയക്കുമരുന്ന് കച്ചവടത്തിലേക്ക് തിരിയുകയായിരുന്നു. ഇതിനിടെ അന്തർ സംസ്ഥാനത്ത് നിന്നും കേരളത്തിലേക്ക് സർവീസ് നടത്തുന്ന സ്വകാര്യ ബസിന്റെ ഡ്രൈവറായി ജോലി നോക്കിയ പ്രതി, ആ ജോലിയും മയക്കുമരുന്ന് കടത്തിനായി ഉപയോഗിച്ചു. 2025 ജനുവരിയിൽ തിരുവനന്തപുരം പൊഴിയൂരിലും വാണിജ്യ അടിസ്ഥാനത്തിൽ എം.ഡി.എം.എ ശേഖരം പ്രതിയിൽ നിന്നും പിടിച്ചെടുത്തു. ഈ കേസുകളിൽ ജാമ്യത്തിൽ ഇറങ്ങിയാണ് പ്രതി വീണ്ടും മയക്കുമരുന്ന് വിൽപ്പനയിൽ സജീവമാണെന്ന് പോലീസ് നിരീക്ഷണത്തിൽ മനസ്സിലാക്കി. പ്രതിയെക്കുറിച്ച് പള്ളിക്കൽ പോലീസ് നൽകിയ റിപ്പോർട്ടിന്റെ അടിസ്ഥാനത്തിൽ ജില്ലാ പോലീസ് മേധാവി സംസ്ഥാന പോലീസ് മേധാവിക്ക് കരുതൽ തടങ്കലിന്…
വർക്കല: ജോലിക്കിടെ ഇലക്ട്രിക് ഷോക്കേറ്റ് കാർപെന്റർ തൊഴിലാളി മരണമടഞ്ഞു. കാപ്പിൽ പടിഞ്ഞാറ്റത്ത് വീട്ടിൽ അവിവാഹിതനായ വിഷ്ണുവാണ് (35) മരിച്ചത്. സുഹൃത്തിന്റെ വീട്ടിൽ ഓണാഘോഷത്തിനോടനുബന്ധിച്ച് നടക്കുന്ന കെട്ടിട നിർമാണ ജോലികൾ പൂർത്തിയാക്കുന്നതിനായി രാത്രിയിലും കാർപെന്റർ ജോലികൾ പുരോഗമിക്കുകയായിരുന്നു. ഇന്നലെ രാത്രി 11.30-ഓടെയാണ് അപകടം സംഭവിച്ചത്. ജോലിക്കിടെ ഡ്രില്ലിംഗ് മെഷീനിൽ നിന്നുണ്ടായ വൈദ്യുതി ഷോക്കേറ്റ് വിഷ്ണു കുഴഞ്ഞു വീണു. സഹപ്രവർത്തകർ ഉടൻ പരവൂർ സ്വകാര്യ ആശുപത്രിയിലെത്തിച്ചുവെങ്കിലും തുടർന്ന് പാരിപ്പള്ളി മെഡിക്കൽ കോളേജിലേക്ക് മാറ്റിയപ്പോൾ ജീവൻ നഷ്ടപ്പെട്ടിരുന്നു. അയിരൂർ പോലീസ് അസ്വാഭാവിക മരണത്തിന് കേസ് രജിസ്റ്റർ ചെയ്തു. ഇൻക്വസ്റ്റ്, പോസ്റ്റുമോർട്ടം നടപടിക്രമങ്ങൾ പൂർത്തിയാക്കി മൃതദേഹം ബന്ധുക്കൾക്ക് വിട്ടു നൽകുമെന്ന് പോലീസ് അറിയിച്ചു.
ആറ്റിങ്ങൽ: ദേശീയപാതയിൽ ബൈക്കുകൾ കൂട്ടിയിടിച്ച് യുവാവിന് ദാരുണാന്ത്യം. പള്ളിപ്പുറം കരിച്ചാറ അപ്പോളോ കോളനിയിൽ രാഹുൽ (25) ആണ് മരണപ്പെട്ടത്. ബൈക്കുകൾ നേർക്കുനേർ കൂട്ടിയിടിക്കുകയായിരുന്നുവെന്നാണ് പോലീസിൽ നിന്നും ലഭിക്കുന്ന പ്രാഥമിക വിവരം. അപകട സ്ഥലത്തുനിന്നും ഗുരുതരമായി പരുക്കേറ്റ യുവാവിനെ ആറ്റിങ്ങൽ താലൂക്ക് ആശുപത്രിയിലേക്ക് എത്തിച്ചപ്പോഴേക്കും മരണപ്പെട്ടിരുന്നു. അപകടത്തിൽപെട്ട മറ്റൊരു ബൈക്ക് യാത്രികൻ നിസ്സാര പരുക്കുകളുടെ രക്ഷപ്പെട്ടു. മരണപ്പെട്ട രാഹുലിന്റെ മൃതദേഹം ആറ്റിങ്ങൽ വലിയകുന്ന് താലൂക്ക് ആശുപത്രിയിൽ സൂക്ഷിച്ചിരിക്കുന്നു. ആറ്റിങ്ങൽ പോലീസ് തുടർ നിയമ നടപടിക്രമങ്ങൾ സ്വീകരിച്ചു വരുന്നു. ഇന്ന് രാത്രി 8 മണിയോടുകൂടിയായിരുന്നു അപകടം.
ആറ്റിങ്ങൽ: മുന്തിയ ഇനം ബ്രാൻഡുകളുടെ ഒമ്പത് വാച്ചുകളും രത്ന കല്ലുകൾ പതിപ്പിച്ച പ്ലാറ്റിനം മോതിരവും അടക്കം വിലപിടിപ്പുള്ള വസ്തുക്കൾ കവർന്നെടുത്തു. ആറ്റിങ്ങൽ വലിയകുന്ന് ആസിഫ് വില്ലയിലാണ് കഴിഞ്ഞ 23ന് രാത്രി ഒന്നരയോടെ കവർച്ച നടന്നത്. ആദ്യം ഒരാൾ വീടുകൾ നിരീക്ഷിച്ചശേഷം മടങ്ങുന്നതും , പിന്നീട് മൂന്നുപേരടങ്ങുന്ന സംഘമായി മോഷ്ടാക്കൾ എത്തി മതിൽ ചാടി കയറുന്നതിന്റെ ദൃശ്യങ്ങൾ സിസിടിവിയിൽ വ്യക്തമാണ്. വീട്ടിന്റെ മുൻവാതിൽ തകർത്താണ് മോഷ്ടാക്കൾ അകത്തു കടന്നത്. സംഭവസമയത്ത് വീട്ടുകാർ വെഞ്ഞാറമൂടുള്ള ബന്ധുവീട്ടിലായിരുന്നു. വീട്ടുകാർ രാവിലെ എത്തിയപ്പോൾ മാത്രമാണ് കവർച്ച വിവരം അറിഞ്ഞത്. പോലീസിന്റെ ശാസ്ത്രീയ സംഘം സ്ഥലത്തെത്തി പരിശോധന നടത്തിയെങ്കിലും വ്യക്തമായ തെളിവുകൾ ലഭിച്ചില്ല. പ്രദേശത്തുള്ള മറ്റ് സിസിടിവി ദൃശ്യങ്ങളും, മൊബൈൽ ടവർ കേന്ദ്രീകരിച്ചും, അന്വേഷണം ഊർജിതമാക്കിയതായി ആറ്റിങ്ങൽ പോലീസ് അറിയിച്ചു.
ആറ്റിങ്ങൽ: 18-ാം മൈൽ സ്വദേശിനി കീർത്തന (17) സ്വന്തം വീട്ടിലെ കിടപ്പുമുറിയിൽ തൂങ്ങി മരിച്ച നിലയിൽ കണ്ടെത്തി. കൈമനം പോളിടെക്നിക് ഒന്നാംവർഷ വിദ്യാർത്ഥിനിയാണ് മരണപ്പെട്ട കീർത്തന. ഇന്ന് വൈകുന്നേരം 3.30ഓടെയാണ് സംഭവം. വേണുഗോപാലിന്റെയും അനിതയുടെയും മകളാണ് മരിച്ച വിദ്യാർത്ഥിനി. മൃതദേഹം ആറ്റിങ്ങൽ വലിയകുന്ന് താലൂക്ക് ആശുപത്രിയിൽ സൂക്ഷിച്ചിരിക്കുകയാണ്. ജീവനൊടുക്കാൻ കാരണമെന്തെന്ന് വ്യക്തമല്ല. ആറ്റിങ്ങൽ പോലീസ് കേസെടുത്ത് അന്വേഷണം ആരംഭിച്ചു.
അരുവിക്കര : ആര്യനാട് പഞ്ചായത്തംഗം ആസിഡ് കുടിച്ച് ജീവനൊടുക്കിയ സംഭവത്തില്‍ സിപിഎമ്മിനെതിരെ കോണ്‍ഗ്രസ് ആരോപണവുമായി രംഗത്ത്‌. പഞ്ചായത്ത് പ്രസിഡന്റിന്റെയും സിപിഎം നേതൃത്വത്തിന്റെയും ആരോപണങ്ങളില്‍ മനംനൊന്താണ് പഞ്ചായത്ത് അംഗമായ ശ്രീജ ജീവനൊടുക്കിയതെന്ന് കോണ്‍ഗ്രസ് കുറ്റപ്പെടുത്തി. വാര്‍ഡംഗമായ ശ്രീജയ്ക്ക് സാമ്പത്തിക ബാധ്യതകളുണ്ടായിരുന്നു. ശ്രീജയ്ക്ക് 60 ലക്ഷം രൂപ കടബാധ്യതയുള്ളതായാണ് വിവരം. സ്വകാര്യപണമിടപാടുകാരില്‍ നിന്നാണ് പലിശയ്ക്ക് പണം കടംവാങ്ങിയത്. കടബാധ്യത തീർക്കാൻ ശ്രീജ പലിശക്കാർ ഉൾപ്പെടെ നിരവധി പേരുടെ പക്കൽനിന്നും പണം കടം വാങ്ങിയതായും പറയപ്പെടുന്നു. തുടർന്ന് ഭൂമി വിറ്റും, ലോണെടുത്തും പണം തിരികെ നല്‍കാന്‍ ശ്രീജ തീരുമാനിച്ചിരുന്നു. ഇതിന്റെ ഭാഗമായി കടംവാങ്ങിയ പണം തിരികെ നല്‍കുന്നതിനായി ശ്രീജ സമീപകാലത്ത് വായ്പയ്ക്ക്‌ അപേക്ഷിച്ചിരുന്നു.വായ്പ പാസാകുകയും ചെയ്തിരുന്നു. ഇതിനിടെയാണ്‌ സിപിഎമ്മിന്റെ നേതൃത്വത്തില്‍ പ്രതിഷേധമുണ്ടാകുന്നത്. ‘കട്ടമുതല്‍ തിരിച്ചുനല്‍കിയാല്‍ കള്ളി കള്ളിയല്ലാതെ ആകുമോ എന്ന മുദ്രാവാക്യം ഉയര്‍ത്തിയാണ് സിപിഎം പ്രതിഷേധിച്ചത്. കടം നൽകി പണം തിരിച്ചുകിട്ടാത്തവർ പരാതിയുമായി സിപിഎമ്മിനെ സമീപിച്ചുവെന്നും തുടർന്നാണ് ശ്രീജയ്ക്കെതിരെ സിപിഎം പ്രതിഷേധ സമരവുമായി രംഗത്തിറങ്ങിയതെന്നുമാണ് സൂചന.…
വർക്കല: ജനകീയ സൂത്രണ പദ്ധതിയുടെ ഭാഗമായി വാർഡ് 8-ലെ ആശ്രയ കുടുംബശ്രീ യൂണിറ്റിന്റെ പൂവനി പുഷ്പകൃഷി വിളവെടുപ്പ് നഗരസഭ ചെയർമാൻ കെ. എം. ലാജി ഉദ്ഘാടനം ചെയ്തു. ചടങ്ങ് മോഹനൻ നായരുടെ കണ്ണമ്പ കൃഷിസ്ഥലത്ത് നടന്നു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ സി. അജയകുമാർ, വാർഡ് കൗൺസിലർ പ്രിയഗോപൻ, ഫീൽഡ് ഓഫീസർ ഷീജ വി., അഗ്രിക്കൾച്ചർ അസിസ്റ്റന്റ് ജൂലി എസ്., കർഷകർ എന്നിവർ പങ്കെടുത്തു. കൂടാതെ വാർഡ് 2-ലെ ഭാവന, വാർഡ് 3-ലെ ചന്ദനാകാവ്, വാർഡ് 5-ലെ നിള എന്നീ കൃഷി കൂട്ടങ്ങളുടെ പുഷ്പകൃഷി വിളവെടുപ്പും ഉദ്ഘാടനം ചെയ്തു.
